Silvio Baldini ka bërë një deklaratë të fortë pas zhgënjimeve të fundit të futbollit italian, duke kritikuar hapur ambientin rreth Kombëtares së “Azzurrëve”.
Trajneri, i cili mori drejtimin e ekipit kombëtar në një moment të vështirë, nuk u përfshi fillimisht në listën e favoritëve, por arriti të fitojë besimin me vendimet e tij të guximshme.
Baldini befasoi duke mos grumbulluar disa prej lojtarëve që ishin pjesë e humbjes në Bosnje, me përjashtim të portierit Gianluigi Donnarumma.
Ai deklaroi se kishte në dispozicion futbollistë të tjerë të gatshëm për të dhënë gjithçka me fanellën e Italisë.
Rezultatet i dhanë të drejtë, pasi Italia fitoi dy ndeshje miqësore radhazi pa pësuar gol, duke bërë që emri i Baldinit të përmendej edhe si një kandidat i mundshëm për stolin e kombëtares.
Megjithatë, pas disa muajsh, trajneri ka reaguar me tone të ashpra, duke përsëritur një frazë që e kishte thënë më herët: “Futbolli italian është plot me mashtrues”.
Deklarata e Baldinit ka hapur debat në Itali, ndërsa kritikat e tij ndaj sistemit dhe mënyrës së funksionimit të futbollit vendas kanë marrë vëmendje të madhe.
Discussion about this post