Autokolona kilometrike e Diasporës mbërrin në Tiranë për protestën mbarëkombëtare

Qindra qytetarë nga diaspora po i drejtohen Tiranës për t’iu bashkuar protestës mbarëkombëtare që zhvillohet këtë të shtunë në kryeqytet, ndërsa në autostradë janë krijuar kolona të gjata automjetesh.

Pamjet nga rruga tregojnë një varg të gjatë makinash që lëvizin drejt kryeqytetit, ku shumë prej tyre mbajnë flamuj shqiptarë në shenjë mbështetjeje për protestën.

Sipas organizatorëve, protesta e sotme pritet të jetë më e madhja e zhvilluar deri tani, ndërsa pjesëmarrës nga qytete të ndryshme të Shqipërisë dhe nga Diaspora kanë nisur të mbërrijnë në Tiranë.

Tubimi zhvillohet për të 35-ën ditë radhazi, me organizatorët që kërkojnë dorëheqjen e kryeministrit Edi Rama.

Ndërkohë, pritet që numri i pjesëmarrësve të rritet në orët në vijim, teksa qytetarët po grumbullohen përpara Kryeministrisë për nisjen e protestës.