E ardhmja e Virgil van Dijk te Liverpool duket tashmë e vulosur.
Pas javësh spekulimesh që e lidhnin me një largim të mundshëm, raportet e fundit konfirmojnë se kapiteni holandez do të vazhdojë të jetë pjesë e “The Reds”.
Sipas gazetarit të njohur James Pearce, trajneri i ri i Liverpoolit, Andoni Iraola, e konsideron Van Dijk një nga shtyllat kryesore të projektit të tij për sezonin 2026-2027.
Për këtë arsye, klubi nuk ka asnjë plan të dëgjojë oferta për mbrojtësin me përvojë.
Burimet pranë klubit bëjnë të ditur se drejtuesit janë të bindur se eksperienca, lidershipi dhe cilësitë e holandezit do të jenë vendimtare në sezonin e ardhshëm.
Kështu, zërat për një transferim gjatë merkatos së verës janë shuar, ndërsa Van Dijk mbetet një figurë kyçe në planet e Liverpoolit.
Aktualisht, kapiteni ndodhet me pushime pas eliminimit të Holandës nga Botërori 2026 dhe pritet t’i bashkohet skuadrës në kohën e parashikuar për fillimin e fazës përgatitore.
Me rikthimin e tij, Liverpool do të nisë përgatitjet me një nga liderët më të rëndësishëm të ekipit në dispozicion.
Discussion about this post