Me shfaqjen e variantit Delta të COVID19 në vend, epidemlogët kanë nisur nga hulmutimi për virusin vdekjeprurës. Mjeku epidemiolog Ilir Alimehmeti, nëpërmjet një statusi në rrjete sociale, ka shpjeguar se imuniteti natyror, mbron më shumë e më gjatë se imuniteti i përftuar nga injektimi i vaksinës.
Duke iu referuar një studimi nga Universiteti i Tel-Avivit në Izrael, mjeku thotë se nga mostrat e marra, rezulton se një person që e ka kaluar virusin, por i pa vaksinuar, ka 13.6 fish më shumë mbrojtje ndaj variantit Delta, 27 fish më shumë nga infektimet simptomatike dhe 5.06 fish më shumë nga shtrimet në spital.
Në konkluzionin e autorëve të këtij studimi, mjeku Alimehmeti citon se: “ Në krahasim me dy doza Pfizer, imuniteti natyror ofron mbrojtje me të gjatë dhe më të fuqishme kundër infektimit, sëmundjes simptomatike dhe shtrimit në spital të shkaktuar nga varianti Delta i SARS-CoV-2”.
