Agjencia Evropiane e Barnave ka reaguar ditën e sotme në lidhje me variantin e ri të Covid-19, që ka futur sërish në panik të gjithë botën. Në çdo ditë vende raportojnë raste me mutacionin e ri të kroronavirusit. Për këtë arsye EMA ka dalë në një deklaratë për mediet, duke thënë se nuk është nevoja të përhapet panik, pasi mund të zhvillojë brenda 3-4 muajsh vaksina të reja për t’ju përshtatur variantit Omicron. Ndër të, shefja e EMA Emer Cook a vuri në dukje se vaksinat ekzistuese ofrojnë mbrojtje, nëse janë marrë të dyja dozat.
Duke folur në Parlamentin Europian, shefja e EMA Emer Cook tha se ende nuk dihet nëse kompanive do t’u duhet të modifikojnë vaksinat për të ofruar mbrojtje kundër Omicron, por theksoi se agjencia ishte gati për diçka të tillë. Varianti Omicron është zbuluar për herë të parë në Afrikën e Jugut, duke u përhapur në shumë vende. OBSH nga ana tjetër ka bërë thirrje që vendet të marrin masa për të parandaluar përhapjen e virusit.
Discussion about this post