Këtë javë Veliaj po e mbyll me një blerje 972 milionë lekë që xhirohen direkt në arkën e mikut të tij Lush Osmani. Pa u trembur fare, ndërkohë që SPAK po arreston çdo javë drejtorët e tij, Veliaj urdhëron një kontratë të skuqur nga shkeljet.
Në fakt, Veliaj alias Lali Eri fshihet pas drejtorëve. Konkretisht tenderi është organizuar nga Erindi Bejko të cilit i është besuar Drejtoria e Përgjithshme e Rrugëve dhe Ndriçimit Publik Tiranë, që njihet për aferat më të mëdha me tenderat. Pavarësisht se sillet si ‘shejtan budalla’ duke ua lënë përgjegjësitë e tij drejtorëve që ranë në rrjetën e Prokurorisë së Posaçme, dihet që kryebashkiaku i urdhëron vartësit e tij për këto tendera.
Tenderi me shkelje të ligjit
Bëhet fjalë për prokurimin me objekt ‘Blerje Mallrash (Marrëveshje Kuadër)’ me fond limit 972 milionë lekë, ku do të blihet rërë dhe gurë. Gara për tenderin është hapur më 12 mars 2024 dhe është mbyllur me 11 prill 2024, ndërsa gjatë kësaj periudhe kanë paraqitur oferta 6 firma.
Gjithsesi, në ditën që u mbajt tenderi 5 firma u përjashtuan nga gara menjëherë për shkak se nuk kishin dorëzuar deklarimin për punë të ngjashme të kryera më parë. Në çdo tender që shohim të tilla abuzime ne kemi theksuar se ligji kërkon që në këto raste Autoriteti Kontraktor ( bashkia) ka si detyrë që t’i njoftojë konkurrentët për mungesat që kanë në dokumentacione dhe t’u japë kohën për përgjigje, sidomos në raste të tilla kur preken të gjithë operatorët. Meqenëse nuk ka urgjencë, tenderi mund të anulohej dhe të priteshin oferta më të përshtatshme.
Por, drejtorët e Veliajt nuk i referohen ligjit kur kanë porosi se kujt do t’i jepet tenderi. Në ditën e përmbylljes së prokurimit të mbeste në tavolinë mbeti vetëm zarfi me ofertën e kompanisë Shpresa-Al SHPK. Kjo propozon ta kryejë furnizimin me rreth 800 milionë lekë. Kështu, pa asnjë konkurrent, kontrata është dhuratë për pronarin e kompanisë Lush Osmani.
Ky prokurim është vlerësuar me “Flamur të kuq” për riskun e korrupsionit, sipas të dhënave të Open Data Albania.
Kush e përfitoi kontratën
Lush Osmani ka ndikim të madh duke marrë fonde nga kryebashkiakët prej vitesh përmes Shpresa.al por, edhe kompanive të tjera që ai zotëron. Madje ai fitonte kontrata edhe në kohën kur ishte nën hetim nga SPAK për korrupsion.
Në 25 tetor të 2019, Policia e Durrësit shpalli në kërkim me urdhër të prokurorisë pronarin e kompanisë ‘Shpresa.al”, Lush Osmani. Biznesmeni ishte i dyshuar si organizator dhe përfitues si skemës së tjetërsimit të tokës shtetërore pranë Kepit të Rodonit. Osmani u shpall në kërkim policor si i dyshuar edhe për përfitimin e një godine në mënyrë korruptive si pjesë e një grupi të strukturuar kriminal dhe disa javë më pas, Osmani u vetëdorëzua në Policinë e Durrësit.
Fillimisht Prokuroria kërkoi izolimin e tij. Por më pas, e ndërroi masën në “Detyrim paraqitje” kundrejt garancisë pasurore dhe Gjykata e Durrësit e liroi. Mirëpo, llogaritë e hapura me drejtësinë nuk e kanë penguar Osmanin të jetë i preferuari i Lali Erit për tenderët!
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post