Një sherr mes dy familjeve shqiptare në Itali i ka kushtuar jetën një 38-vjeçari. Viktima është Dritan Idrizi, i cili është qëlluar me thikë në zemër.
Sipas raportimeve të mediave italiane, ngjarja ka ndodhur gjatë orëve të mbrëmjes së të mërkurës në një shesh në komunën Tavullia, të provincës Pesaro e Urbino.
Gjatë sherrit mes dy familjeve shqiptare, 38-vjeçari i cili jetonte në komunën San Giovanni in Marignano dhe me precedentë për drogë, u qëllua me thikë në zemër. Ai u transportua në spital, por nuk mundi të mbijetojë.
Gjithashtu, katër persona të tjerë kanë mbetur të plagosur. Raportohet se ndodhen jashtë rrezikut për jetën.
Dyshohet se konflikti ka ndodhur për një borxh prej 5 mijë eurosh, sipas mediave lokale.
Nuk raportohet për persona të arrestuar deri më tani, ndërsa hetimet për ngjarjen janë në vijim.
Discussion about this post