Sfida e vlefshme për javën e 3-të të Serie A, mes Fiorentinës dhe Napolit u mbyll me rezultatin0—0. Një sfidë aspak e qetë për trajnerin Luciano Spallettin, i cili u ndëshkua që në minutën e 19-të me karton të verdhë, pasi kundërshtoi vendimet e gjyqtarit.
Tension pati edhe në fund të ndeshjes, ku tekniku i napolitanëve do të përplasej me një tifoz që ishte afër pankinës së skuadrës së Napolit në stadiumin “Artemio Franchi”.
Ndërsa Spalletti dhe një tifoz po debatonin, një shishe plastike fluturoi dhe goditi trajnerin e Napolit. Një tifoz tentoi të godiste me shuplakë Spallettin në momentin që ai u tërhoq nga sigurimi i ndeshjes, pas së cilës debati mes trajnerit dhe publikut zgjati edhe disa sekonda. Sulmuesi i Napolit, Victor Osimhen është filmuar gjithashtu duke drejtuar gishtin nga publiku.
“A do të flasim se sa të pasjellshëm ishin tifozët e Fiorentinës që ishin pas stolit tonë? Disa po ofendonin nga fillimi deri në fund të lojës. Fëmijët e tyre ishin ulur pranë tyre. Nuk mund të përsëris gjithçka që ata thanë, por ishte e pabesueshme. Vazhduan të më shanin nga familja. Mamaja ime është 90-vjeçe, lëjeni rehat”, tha Spalletti për DAZN.
Tifoso #Fiorentina tira schiaffo a #Spalletti dopo #FiorentinaNapoli. Sono senza parole pic.twitter.com/cgOJ2CL3to
— Marco Lombardi (@marcolombardi24) August 28, 2022
Discussion about this post