Mjekët në Turqi kanë nisur një grevë dyditore për të kërkuar më shumë siguri në punë ,pasi një mjek u sulmua për vdekje pak ditë më parë brenda në spital. Protestuesit dolën në rrugë në disa qytete turke të për të bërë thirrje për më shumë veprime për të parandaluar dhunën. Greva vjen një ditë pasi kardiologu Dr Ekrem Karakaya u qëllua për vdekje në një spital në qytetin qendror të Konias të mërkurën.
Karakaya thuhet se u vra nga një burrë që e fajësoi atë për vdekjen e nënës së tij. Personi i armatosur gjithashtu besohet se ka qëlluar sekretarin e mjekut përpara se të vriste veten. Në Stamboll, policia përdori gaz lotsjellës dhe gaz piper për të shpërndarë punonjësit e kujdesit shëndetësor, të cilët u përpoqën të marshonin drejt zyrës së autoritetit lokal shëndetësor për të denoncuar sulmin.
Protestat në Konya erdhën mes sulmeve të shtuara ndaj profesionistëve shëndetësorë në Turqi, kryesisht nga pacientë ose të afërm të tyre. Të paktën 316 punonjës të kujdesit shëndetësor ishin viktima të dhunës në vitin 2021, sipas Sindikatës së Punëtorëve Shëndetësor dhe Social, Saglik-Sen. Shumë profesionistë shëndetësorë po largohen nga Turqia me shpresën për të gjetur kushte më të mira pune dhe cilësi jete, sipas Shoqatës së Mjekëve Turke
Discussion about this post