Turisti i huaj, i cili mëngjesin e kësaj të marte (18 gusht) u vra me thikë në Ksamil nuk është francez, por nga Portugalia. Kështu thotë policia, e cila në një informacion shtesë për ngjarjen hodhi poshtë atë që kishte njoftuar me parë, se viktima ishte francez.
Madje edhe emri, nuk është Miguel Mendes, sic u njoftua në fillim.
Fillimisht, bazuar në të dhënat paraprake, viktima ishte identifikuar si shtetas francez me inicialet M. M. Por pas vijimit të hetimeve dhe gjetjes së dokumentit të identifikimit, autoritetet kanë konfirmuar se viktima është shtetas portugez, me inicialet L. V., i lindur më 27 shtator 2005.
Ndërkohë, hetuesit po verifikojnë edhe përfshirjen e dy shtetasve turq, në automjetin e të cilëve u kap i dyshuari për vrasjen. Sipas policisë, dy turqit po e transportonin të dyshuarin në drejtim të Tiranës.
Njoftimi i policise
Në lidhje me ngjarjen e ndodhur mëngjesin e sotëm në Ksamil, ku humbi jetën një shtetas i huaj, sqarojmë se:
Bazuar në të dhënat paraprake të disponueshme në momentet e para të ngjarjes, viktima u identifikua fillimisht si shtetas francez, me inicialet M. M. Në vijim të veprimeve hetimore dhe pas gjetjes së dokumentit të identifikimit, u konfirmua se ishte shtetas portugez, me inicialet L. V., i datëlindjes 27.09.2005.
Ndërkohë, hetimet janë përqendruar edhe në verifikimin e përfshirjes së dy shtetasve turq në automjetin e të cilëve u kap autori i dyshuar, ndërsa po e transportonin atë në drejtim të Tiranës.
Grupi hetimor, në drejtimin e Prokurorisë, vijon veprimet për dokumentimin e plotë ligjor të rrethanave të ngjarjes.
Discussion about this post