Policia e Sarandës ka zbardhur një vjedhje në një supermarket në këtë qytet të ndodhur në 11 dhjetor të këtij viti. Mësohet se, në pranga kanë rënë Edmond Duzha dhe Bekdash Cukalla.
Cukalla ka qenë i punësuar si teknik i kamerave të sigurisë në këtë supermarket dhe nëpërmjet telefonit të tij ka kontrolluar shumën e parave që gjendeshin në ambientet e këtij subjekti.
Nga veprimet hetimore dyshohet se këta persona, në bashkëpunim me njëri-tjetrin, kanë vjedhur një sasi të konsiderueshme parash, më datë 11.12.2021.
Në cilësinë e provës materiale janë sekuestruar shumat 400.000 lekë të rinj, 2500 dollarë amerikan, 1000 paund britanik, 2 automjete me të cilat autorët janë larguar pas ngjarjes, 4 telefona celular, 3 pajisje DVR dhe 2 laptop.
Materialet i kaluan Prokurorisë pranë Gjykatës së Shkallës së Parë Sarandë, për veprime të mëtejshme, për veprën penale “Vjedhja” kryer në bashkëpunim.
Discussion about this post