Komisioni Hetimor miratoi në mbledhjen e sotme, emrat e anëtarëve nga tre forcat politike, të cilët do të asistojnë procedurat ligjore të Komisionit për zgjedhjet e 25 prillit.
Nga radhët e PD është miratuar Marinela Ziu dhe Marash Logu, nga PS Eridjan Salianji dhe Mariglen Legisi dhe nga LSI, Silva Caka.
Komisioni hetimor i 25 prillit u ngrit pas kërkesës së Partisë Demokratike për hetimin e zgjedhjeve të 25 prillit, ku opozita pretendon për shkelje të konstatuara ndaj Partisë Socialiste.
Ky komision ka si objekt kontrollin e veprimtarisë së organeve të administratës publike dhe pushtetit vendor për të verifikuar përdorimin e burimeve të administratës shtetërore për qëllime elektorale në zgjedhjet e 25 prillit 2021.
Discussion about this post