Puntata e sotme e “Për’puthen”, ka pasur shumë debate mes Argjendit dhe Ritvanës, ku janë hedhur dhe shumë akuza që ata kanë patur për njëri-tjetrin.
Argjendi e akuzon Ritvanën se kanë qenë në shtëpinë e tij disa herë, ndërsa konkurrentja e mohon dhe shprehet e gatshme të lërë edhe programin, nëse kjo vërtetohet se ka ndodh. Ajo gjithashtu u betua për familjen se nuk ka qenë asnjëherë te shtëpia e tij, madje sipas saj, ajo as nuk e di ku e ka shtëpinë konkurrenti.
Për këtë çështje ka reaguar edhe Eduardi, ish-konkurrenti i “Për’puthen 3”, i cili ka thënë se mund ta vërtetojë që Ritvana ka qenë në shtëpinë e Argjendit, pasi ishte vetë ai që i kishte dhënë makinën këtij të fundit.
“Unë mund të vërtetoj se unë e kam parë disa herë me Argjendin edhe në banesë të tij edhe në makinë, sepse unë ja kam dhënë makinën time Argjendit për të udhëtuar, kështu që ajo ka qenë me të dhe te pallati i tij, ajo është një gënjeshtare, mashtruese, 100%. Unë nuk kam nevojë t’ju rrej”- tha ai.
Rikujtojmë se në puntatën e djeshme Argjendi vendosi të flasë për të pathënat e lidhjes së tij me Ritvanën, ku u shpreh se ka pasur njohje paralele dhe sipas tij, ajo ka dashur që të bëhej protagoniste duke krijuar skena të rreme me të. Ai gjithashtu tha se ajo u largua prej tij në momentin që Argjendi vendosi të mos vazhdojë lojën e saj.
Discussion about this post