Gjykata ka marrë vendimin për kryebashkiakun e arrestuar të Bulqizës, Lefter Allën. Nga ana e gjykatës, është lënë në fuqi masa e sigurisë “arrest me burg”.
Gjithashtu Gjykata ka lënë në burg edhe zëvendëskryetaren e bashkisë Bulqizë, Enkeleda Lleshi, si edhe zyrtarët e tjerë të arrestuar.
Nënkryetarja e Bashkisë së Bulqizës Enkelejda Lleshi ka deklaruar se ajo ka bërë vetëm detyrën. Ajo tha se aktualisht punonte në drejtori pranë bashkisë.
“Kam zbatuar ligjin, nuk kam shkelur asnjëherë detyrën. Kam dhënë dorëheqjen nga nënkryetare dhe punoj në një drejtori në bashki. Nuk e përballoja dot volumin e madh të punës”, tha Lleshi, duke mohuar kështu akuzat se ka lidhje me abuzimet me tenderat, ku pas hekurave u vu dhe kryebashkiaku Lefter Alla. Pavarësisht deklaratave të saj, Lleshi është lënë në masën ‘arrest me burg’.
GJKKO ka vendosur “Arrest me burg” për të arrestuarit. Sipas SPAK, gjatë procedurës së prokurimin publik me procedurë të hapur me objekt “Ndërtimi i rrjetit të furnizimit dhe rrjetit shpërndarës Ujësjellësi dhe ndërtimi i rrjetit të KUZ, Lagja e vjetër, qyteti Bulqizë, Bashkia Bulqizë”, me vlerë të tenderit në shumën 322.439.000 lekë të reja në bashkëpunim me nënkryetaren e Bashkisë, dhe punonjësit e tjerë, si specialiste e prokurimeve, anëtarët e KVO, kanë bërë të mundur që këtë tender ta fitonte me dokumentacion BOE Egland shpk dhe BE-IS shpk, duke krijuar avantazhe për këtë subjekt gjatë procedurës së prokurimit.
Në një kohë që nga hetimi ka dyshime të arsyeshme të bazuara, se punimet janë kryer nga OE 2AF Albania shpk, lidhje shoqërore e kryetarit të Bashkisë.
Discussion about this post