Humbja ndaj modestëve të Mura në Konferencë Ligë ka shërbyer si një “dush” i ftohtë për skuadrën e Tottenham. Trajneri Antonio Konte ka theksuar se e ka kuptuar që ky ekip nuk është në nivelin e duhur dhe sipas tij ekipi do të rritet por duhet një kohë shumë e gjatë.
“Kjo është humbje e madhe për ne. Paraqitje ishte e dobët. E dimë që kemi shumë punë përpara. Ky është moment i vështirë për ne. Duhet durim që të përmirësohemi. Ishim të dobët jo vetëm teknikisht, por edhe nga ana psikike. Do duhet kohë për ta rikthyer Totenhemin sërish.
Të jem i sinqertë që pas tre javëve kam filluar të kuptoj situatën. Mund t’iu them situata nuk është e thjeshtë. Në këtë moment, Totenhemi nuk është në nivelin e lartë”, tha trajneri i Tottenham, Antonio Konte.
Discussion about this post