Foto – Kush është i arrestuari për minat me telekomandë

Personi në foto është 45-vjeçari Arili Kalija nga Thumana e Krujës, i cili u arrestua pasi u kap me mina me telekomandë në Rrësheni.

Arili Kalija dyshohet se do të shiste 4 mina kundrejt shumës prej 700 euro copën. Lënda plasëse dyshohet do të përdorej për ngjarje kriminale.

Sipas Policisë së Mirditës, lënda plasëse vinte nga zona e Lurës në Dibër aty ku dhe banonte 45-vjeçari. Kjo për shkak se gjatë kontrolleve të ushtruara në banesën e vjetër të babait të 45-vjeçarit të arrestuar, në Lurë, Dibër, u gjetën dy armë zjarri, lëndë eksplozive si ajo që ishte montuar në minat me telekomandë, 10 ndezësa granatash ofensive/defensive, 10 kapsolla detonatore, dhjetëra metra fitil zjarrpërcjellës, si dhe qindra fishekë luftarak.