Manchester City është klubi që ka përfituar më shumë financiarisht nga Programi i Përfitimeve për Klubet i FIFA-s pas përfundimit të Kupës së Botës 2026.
Kampionët e Anglisë do të arkëtojnë mbi 4 milionë euro falë pjesëmarrjes së futbollistëve të tyre në turneun më të madh të futbollit.
Skuadra e Pep Guardiolës kishte plot 10 lojtarë të angazhuar në Botëror, ndërsa FIFA shpërblente klubet me rreth 5 mijë euro për çdo ditë që një futbollist qëndronte me përfaqësuesen e tij gjatë turneut.
Ndër emrat më të spikatur të Manchester Cityt në Kupën e Botës ishin Rodri, kampion bote me Spanjën, Erling Haaland me Norvegjinë dhe Nico O’Reilly, i cili arriti deri në gjysmëfinale me Anglinë.
Pas Manchester Cityt në listën e përfituesve renditet Barcelona me rreth 3.5 milionë euro, e ndjekur nga Bayern Munich me afro 3 milionë euro dhe Arsenali me 2.9 milionë euro.
Në total, FIFA ka shpërndarë rreth 311 milionë euro për klubet nga e gjithë bota, si pjesë e programit që kompenson ekipet për aktivizimin e lojtarëve të tyre në Kupën e Botës.
Discussion about this post