Përfaqësuesja e Spanjës do të përballet të premten në ora 18:00 me përfaqësuesen e Gjermanisë në çerekfinalet e Euro 2024.
La Roja deri më tani në këtë europian ka bërë paraqitjen më të mirë, duke i fituar të 4 ndeshjet e luajtura. Spanjollët kanë shënuar 9 gola dhe kanë pësuar vetëm një, një autogol në 16-t përballë Gjeorgjisë.
Kjo paraqitje mbresëlënëse e skuadrës së Luis de la Fuente ka bërë që lojtarët e Spanjës të jenë në qendër të merkatos verore.
Portieri David Raya, i cili u aktivizua gjatë këtij europiani në ndeshjen ndaj Kombëtares sonë dhe mbajti portën e paprekur, ka firmosur për Arsenalin. Raya u aktivizua gjatë sezonit të kaluar tek “Topçijtë” e Londrës duke fituar dhe çmimin “Doreza e Artë” pasi mbajti për 16 ndeshje portën e paprekur në Premier League.
Pas sezonit të suksesshëm në huazim, Arsenali shfrytëzuar opsion për të blerë përfundimisht Raya-s nga Brentford për 27 milionë stërlina.
Vetë lojtari spanjoll u shpreh i lumtur për trasferimin. “Pas një viti në huazim si “Topçi”, më në fund mund të them se jam lojtar i Arsenalit për vitet e ardhshme.” – tha David Raya.
Discussion about this post