“Jeta së shpejti mund të kthehet në normalitet pas dy vitesh nën sundimi” e pandemisë”, tha shefi ekzekutiv i Pfizer, Albert Bourla në një intervistë për Le Figaro.
“Së shpejti do të jemi në gjendje të rifillojmë jetën normale. Ne jemi të pozicionuar mirë për të arritur në pranverë falë të gjitha mjeteve që kemi në dispozicion: testeve, vaksinave shumë efektive dhe trajtimeve që mund të merren në shtëpi”, tha Bourla për gazetën franceze.
CEO i Pfizer paralajmëroi se kjo nuk do të thotë se koronavirusi i ri do të zhduket.
“Ne kemi pasur kaq shumë surpriza që nga fillimi i pandemisë. Ne ndoshta do të duhet të jetojmë për vite me një virus që është shumë i vështirë për t’u çrrënjosur”, tha ai ndër të tjera.
Shifrat e infektimeve me Covid në botë janë alarmante, për shkak të përhapjes masive të variantit Omicron, që ndonëse ka simptoma më të lehta, ka përhapje më të lartë.
Discussion about this post