Ka ndërruar jetë në moshën 79 -vjeçare, Charlotte Johnson Wahl, nëna e kryeministri britanik Boris Johnson. Një njoftim i botuar në gazetën Times tha se ajo vdiq “papritur dhe paqësisht” në Spitalin St Mary’s në perëndim të Londrës.
Boris Johnson dikur e përshkroi nënën e tij, e cila ishte piktore, si “autoriteti suprem” në familje. Figura të larta nga i gjithë spektri politik, përfshirë udhëheqësin e Laburistëve Sir Keir Starmer, i kanë dërguar ngushëllimet e tyre Johnson.
Sir Keir shkroi në Twitter: “Më vjen shumë keq që mësoj për humbjen e kryeministrit. Ngushëllimet e mia atij dhe familjes së tij.”
Kryetarja e partisë konservatore, Amanda Milling, tha se ajo “po mendonte për Boris Johnson dhe familjen e tij këtë mbrëmje”, duke shtuar, “Mendimet dhe lutjet tona janë me ju.”
Johnson Wahl, babai i së cilës ishte president i Komisionit Europian për të Drejtat e Njeriut në vitet 1970, u martua me Stanley Johnson në vitin 1963 para se të përfundonte diplomimin në Universitetin e Oksfordit si gruaja e parë e martuar universitare në kolegjin e saj.
Çifti kishte katër fëmijë, Boris, gazetarja Rachel, ish ministri Jo dhe ambientalisti Leo. Ata u divorcuan në 1979. Në 1988, ajo u martua me profesorin amerikan Nicholas Wahl dhe u transferua në Nju Jork, ku filloi të pikturojë peizazhe të qytetit. Ajo u kthye në Londër në 1996 pas vdekjes së tij.
