Prej kohësh Manchester United po noton në ujra të turbullta sa i përket pronësisë edhe pse pronarë të saj është familja Glazers, që prej vitesh e kanë mbajtur ekipin e “Djajve” në krye të klasifikimit të klubeve më të pasura në Botë.
Rezulton se Jim Ratcliffe nuk ka hequr dorë nga ideja për të blerë Manchester United. Pronarët aktualë Glazers, të padashur nga tifozët e Man United, po tentojnë shitjen e plotë. Klubi ka qenë i lidhur me disa blerës potencialë, por emri që është lidhur me klubin vazhdimisht është Ratcliffe, një tifoz besnik i United dhe një nga njerëzit më të pasur të Britanisë.
Ende jo negociata
Telegrafi pretendon se Ratcliffe po e monitoron nga afër situatën, ndonëse ende nuk ka hyrë në negociata. Ai është gati të ofrojë në çdo kohë, por shuma e ofruar do të varet nëse United do të kualifikohet në Champions League, e cila sigurisht nuk do të dihet deri në maj.
Më herët kishte informacione se drejtuesit e klubit kishin vendosur një afat për negociata dhe ky është mesi i shkurtit. Ekziston mundësia që duke pritur, Ratcliffe mund të jetë vonë.
Ineos, e cila është në pronësi të miliarderit, nuk pranoi të komentojë mbi këtë informacion, por të brendshëm i thanë publikimit se Ratcliffe është serioz në lidhje me ofertën për klubin.
Discussion about this post