Këtë të mërkurë u zhvilluan gjysmëfinalet e kthimit në Kupën e Shqipërisë. Pas kualifikimit të Dinamos në finale, Egnatia mposhti 0-2 Partizanin pas shtesave duke siguruar edhe ajo finalen.
Ekipi i Tetovës kishte humbur 1-0 ndeshjen parë dhe sonte në “Arenën e Demave” e nisi sfidën me shumë dëshirë.
Për të ardhur te goli i parë i rrogozhinasve, gjatë zhvillimit të një goditje këndi, mes kaosit në zonë, Xhemajli “nuhati” mirë golin dhe nga fare pranë, çoi topin në rrjetë.
Rezultati mbeti i njëjtë në kohën e rregullt, me emocionet që do të ishin të shumta, edhe në shtesë. Egnatia do të festonte në fillimin e 30-minutave, atëherë kur Fangaj gjen Guindon me një top nga krahët, me sulmuesin nga Mali që nuk gaboi.
Egnatia shkon kështu në finale të Kupës për herë të tretë radhazi, ndërsa shumë pak për të thënë për ekipin e Gegës, teksa tani nuk i mbetet gjë tjetër veçse të mbyllë kampionatin në mënyrën më të mirë të mundshme.
Finalja e Kupës së Shqipërisë mes Dinamos dhe Egnatias do të luhet më datën 1 maj.
Discussion about this post