UEFA i ka besuar sërish një ndeshje të Ligës së Kombeve një trupe arbitrash shqiptarë.
Pas Juxhin Xhajës në sfidën Sllovaki–Moldavi, këtë herë në fushë do të zbresë Enea Jorgji.
Gjyqtari nga Elbasani do të drejtojë përballjen mes Luksemburgut dhe Islandës.
Ndeshja do të zhvillohet të martën në orën 20:45 në stadiumin kombëtar të Luksemburgut.
Jorgji do të ketë në krah asistentët Denis Rexha dhe Ridiger Çokaj.
Gjyqtari i katërt do të jetë Ermis Çelaj, duke plotësuar kështu ekipin shqiptar të arbitrimit.
Në sistemin VAR, UEFA ka caktuar italianin Daniele Doveri si gjyqtar kryesor.
Doveri është një nga emrat e njohur të arbitrimit italian dhe së fundmi është përmendur edhe në kuadër të hetimeve që lidhen me pretendime për favorizime ndaj Interit.
Ndërkohë, roli i AVAR-it do t’i besohet sërish një arbitri shqiptar.
Bëhet fjalë për Albert Dodën, i cili kishte mbuluar të njëjtën detyrë edhe në ndeshjen e drejtuar nga Juxhin Xhaja.
Kështu, arbitrat shqiptarë vazhdojnë të marrin përgjegjësi të rëndësishme në kompeticionet e UEFA-s.
Për Enea Jorgjin, sfida në Luksemburg përbën një tjetër mundësi për të drejtuar në arenën ndërkombëtare.
Ndërsa UEFA vijon t’u besojë arbitrave shqiptarë në ndeshjet e Ligës së Kombeve.
Discussion about this post