Erzeni është rikthyer te fitorja në kampionat, teksa ditën e sotme ia ka dalë të mposhtë minimalisht Tiranën, në sfidën e javës së 9-të të “Abissnet Superiore”.
Një pjesë e parë që nisi vrullshëm për Erzenin, i cili që në minutën e 16-të arriti të fitonte penallti dhe të gjente golin me anë të Kahrimanovic, i cili nga 11-metra larg Bekajt e mposhti këtë të fundit.
45-minutat e para do të mbylleshin në favor të shijakasve, teksa edhe në fraksionin e dytë nuk do të kishte ndryshim rezultati, pasi Tirana nuk ia doli dot të gjente golin e barazimit, duke humbur kështu një ndeshje mjaft të rëndësishme.
Erzeni në këtë mënyrë vazhdon të dhurojë emocione dhe surpriza në kampionat dhe pas kësaj fitoreje i merr kampionëve vendin e dytë, me shijakasit që tashmë ndjekin Partizanin me 4 pikë më pak, ndërsa ndodhen në kuotë të njëjtë pikësh me kundërshtarin e ditës së sotme, me 15 pikë.
Discussion about this post