Ka përfunduar mbrëmja e UEFA Europa League ku rezultatet që ajo prodhoi ishin surprizuese në krahasim me pritshmëritë që ekipet ‘big’ kishin këtë fazë.
Ferencvarosi priti këtë mbrëmje Bayer Leverkusenin, për ti mposhtur këta të fundit me rezultatin 1-0 në Hungari. Myrto Uzuni ishte pjesë e formacionit titullar në këtë përballje ku i luajti të plotat minutat e tij, por në pamundësi për të dhënë më shumë, pasi rezultatet e mëparshme e kanë lënë jashtë garave europiane Ferencvarosin për këtë sezon.
Lazio nuk ia ka dalë të triumfojë ndaj Gallatasaray në Stadio Olimpico. Sulmi Italian kishte elementët e tij më të mirë përballë miqve turq, por asnjë rast nuk mundi të finalizohej, më rrjetat që mbetën të paprekura.
Dinamo Zagreb ishte ‘hirushja’ e kësaj mbrëmje pasi ia doli të fitojë në transfertë kundër gjigandëve anglezë të West Ham, me rezultatin 1-0.
Ndeshja e mbajtur në ‘Olympic Stadium’ në Londër i la të shtangur anglezët me golin e Orsic për Dinamon e Zagreb që në minutat e para dhe deri në përfundim të kësaj përballje, West Ham nuk mundi të bëjë diferencën, për të pranuar humbjen, por pa dëme, pasi tashmë janë të kualifikuar në fazën e 1/8 të Europa League.
Discussion about this post