Mbrëmjen e djeshme në Sheshin e Pengjeve në Tel Aviv janë dëgjuar brohoritje “Faleminderit Trump”, ndërsa qytetarët valëvitën flamuj amerikanë në pritje të vizitës së presidentit amerikan, i cili pritet të mbërrijë nesër për një vizitë të shkurtër në Izrael.
Në këmbim, Izraeli pritet të lirojë rreth 250 palestinezë të dënuar si dhe 1,700 të ndaluar pas sulmeve të 7 tetorit.
Zëdhënësja e qeverisë izraelite, Shosh Bedrosian, deklaroi se lirimi i të burgosurve palestinezë do të ndodhë vetëm pasi të sigurohet kthimi i të gjithë pengjeve.
“Ky është një proces i ndjeshëm dhe do të zbatohet vetëm nëse çdo qytetar izraelit kthehet i sigurt në shtëpi,” tha ajo për mediat lokale.
Vizita e Trump në Tel Aviv dhe Jerusalem pritet të shoqërohet me pritje entuziaste nga autoritetet izraelite dhe mijëra qytetarë, që e shohin ndërhyrjen e tij si një hap vendimtar drejt zgjidhjes së krizës së pengjeve.
Discussion about this post