Interi synon fitoren e radhës në kampionatin italian. Pas suksesit ndaj Xhenoas, zikaltërit sfidojnë sonte në mbrëmje skuadrën e Veronas në transfertë ku pritet një tjetër performancë e mirë nga të besuarit e trajnerit Inzagi.
Edhe pse në ndeshjen e parë zikaltrit shkëlqyen, ka ende vend për përmirësim. Inzagi ka vendosur të zgjedhë sërish Darmian para blerjes së re Denzel Dumfrajs, pasi mbrojtësi italian e njeh Serinë A dhe për momentin ofron më shumë siguri në anën e djathtë të mbrojtjes.
Në qendër të mbrojtjes do të jetë 3-shja e përhershme Shkrinjar, Bastoni dhe De Vraj. Në mesfushë Brozoviç e Barela në mbështetje të Çalhanoglu, ndërsa në sulm Xheko do të vendoset përkrah Lautaro Martinez i cili mungoi në sfidën e parë për shkak skualifikimi.
Blerja e re Joakin Korrea do të qëndrojë në pankinë teksa për të mund të ketë disa minuta gjatë ndeshjes.
