Zayn Ali Salman është lojatri me moshën më të re që nënshkruan me akademinë e Arsenal. 5-vjeçari është një talent i padiskutueshëm në futboll dhe kjo gjë nuk i ka shpëtuar një prej skautve të ‘Topçinjve’.
Në një intervistë për BBC Sport babai i vogëlushit është shprehur se Zayn ka një aftësi të madhe në këtë sport.
“E kuptova në momentin që ai lindi. Ai ka një ekuilibër të jashtëzakonshëm megjithëse ai është ende i vogël. Arsenali nuk është menduar aspak për moshën e tij të vogël, pasi e konsideron atë me shumë potencial për të ardhmen”,-tregoi i ati i lojtarit.
Teksa trajneri i tij, Austin Schofield në akademinë e Arsenalit, ka theksuar se ai u vendos në grupmoshën e tij për të luajtur, por shtoi se ai kaloi të gjithë, ndaj tashmë është vendosur që të përgatitur me më të mëdhenj.
Ishte Stephen Deans, një nga “skautët” e klubit, ai që e kuptoi talentin e 5-vjeçarit dhe që ia prezantoi ai Arsenalit.
“Ky fëmijë po bën gjëra që nuk duhet t’i bëjë. Mënyra se si godet topin, shumë komplekse për dikë të moshës së tij. Kur e pashë, i telefonova një shoku dhe ai konfirmoi se ishte 5 vjeç. Unë i thash se ishte e pamundur, nuk mund të ishte fëmijë nga çerdhja. Kështu shkova të flisja me prindërit e tij, e çova në disa seanca stërvitore dhe ai e bëri përsëri. E bën vazhdimisht”,-theksoi Deans.
Zayn Ali Salman bëhet kështu lojtari më i vogël në historinë e klubit anglez që firmos një kontratë.
Ndërsa ajo që bie në sy në lojën e 5-vjeçarit është se ai duket si një Messi i vogël me taktikën dhe saktësinë që ka në goditjet që bën./K.T/Gijotina.com
