Trajneri i Kombëtares shqiptare, Edoardo Reja nuk mund ta pranojë që skuadra e Juventus është në një gjendje kaq të rëndë këtë sezon.
Në një intervistë të dhënë për “Il Mattino”, ai ka analizuar Serinë A dhe situatën e disa skuadrave, duke u ndalur fillimisht te Napoli, që është në krye të tabelës të elitës së futbollit italian.
“Është e drejtë që të ketë entuziazëm, të fitosh të jep ndjesi unike. Por duhet të jenë të kujdesshëm, të qëndrojnë me këmbë në tokë, pasi përveç Juventusit të cilin ta takosh në këtë periudhë është një fat i vogël, Napoli nuk ka pasur përballë asnjë prej skuadrave të mëdha. Për shembull që të dielën ndaj Fiorentinës do të jetë interesante të shihet niveli që kanë arritur të kaltrit. Testi kundër Italiano do të jetë shumë i rëndësishëm për të kuptuar ku mund të mbërrijë Napoli.”- u shpreh ai.
Ndërsa më tej duke folur për gjendjen e ‘Zonjës së Vjetër’ ai ka theksuar se kurrë nuk do ta kishte imagjinuar kaq larg titullit kampion.
“Vështirësitë me të cilat po ndeshet Allegri te Juventusi. Nuk do ta kisha imagjinuar kurrë kaq larg vendit të parë. Dhe 10 pikë janë shumë. Mendoj se do të jetë e komplikuar të rikthehet në lojë për titullin. Ndaj Interit kam parë Atalantën e Gasperinit që njoh. Po kthehet te nivelet e të kaluarës. Organika që kanë në dispozicion Pioli te Milani dhe Inzagi te Interi janë e nivelit më të lartë. Projekti i Sarrit po bën hapat e parë. Derbi të jep një shtysë unike. Por Roma humbi vetëm për disa episode”,- vijoi Reja në analizë e tij për Seria A.
Ndërsa ritheksojmë se kjo ka qenë një fazë pushimi, pasi së shpejt do të rikthehen ndeshjet e kombëtareve, ku kuqezinjtë kanë mundësinë e fundit për t’u kualifikuar në Botërorin ‘Qatar 2022’./K.T/Gijotina.com
