Ditën e sotme do të nisë raundi i 15 i Superligës shqiptare, e cila do të jetë i fundit për këtë vit. Në orën 13:45 Laçi do të presë Kastriotin, me kurbinasit që duan të vazhdojnë me ecurinë pozitive, për të shpresuar në ndryshimin e distancës në klasifikim me skuadrat e tjera që renditen mbi ta.
Ndërsa ora 16:45 do të sjellë sfidën Dinamo-Skënderbeu, që do zhvillohet në ‘Elbasan Arena’ me të dyja skuadrat që janë në pozita të vështira dhe që iu duhen tre pikët për shkak të mungesës së rezultateve pozitive në javët e fundit.
Ndërsa dita e enjte do të sjellë përballjen Teuta-Egnatia në orën 16:45, në po të njëjtën orë do të zhvillohet takimi mes Vllaznisë dhe Kukësit që pritet të jetë shumë interesant për shkak të rivalitetit direkt dhe në fund si ‘qershia mbi tortë’ do të jetë derbi Partizani-Tirana që zhvillohet në orën 19:45 në ‘Air Albania’./K.T/Gijotina.com
Discussion about this post