Tirana udhëtoi në transfertë këtë fundjavë për tu përballur me Skendërbeun në kuadër të javës së 10të të Superligës Shqiptare.
Pjesa e parë përfundoi me barazimin pa gola 0-0, me miqtë nga kryeqyteti që u hodhën në sulm që nga starti i kësaj përballje me Hotin që tenton që minutat e para të ‘provokojë’ Skënderbeun. Këtyre tentativave do ti bashkohej edhe Ngo që menjëherë pas Hotit do arrinte i vetëm të deportonte mbrojtjen e ‘ujqërve’ por ndalet në thellësi të saj, pa mundur të konkretizojë.
Në pjesën e dytë Skënderbeu e nis me pretendime pasi kërkuan të verifikohej një prekje e topit me dorë nga ana e Tolit, por gjyqtari i vendosur lejon vazhdimin e lojës me korçarët që ishin më kërkues në këtë pjesë, me Dumfur që sërish rrezikon portën e Bekajt, por portieri i vëmendshëm largon rrezikun.
Minutat e fundit të pjesës së dytë do të rizgjonin ‘skenarin’ e penalltisë, por këtë herë nga ana e Tiranës, që pretendonte një kontakt të topit me Zguron, por gjyqatri sërish kërkon vazhdimin e lojës, që mbeti me rezultatin e pandryshuar deri në përfundim e saj, për tu mbyllur në shifrat 0-0.
Pas këtij barazimi në transfertë, Tirana vazhdon të ruajë kreun e tabelës së Superligës Shqiptare me 21 pikë ndërsa Skënderbeu ende nuk po gjen ‘forcat’ të largohet nga zona e rrezikshme e tabelës.
Discussion about this post