Kombëtarja shqiptare e futbollit ka marrë një tjetër gjobë nga FIFA për shkak të sjelljeve të tifozëve. Pas ndëshkimit me 150 mijë franga dhe 1 ndeshja pa tifozë në kualifikueset e kampionatit botëror kuqezinjtë kanë marrë një tjetër goditje nga organet disiplinore të qeverisë së futbollit botëror. FSHF është gjobitur sërish për shkak të dronit që u ngrit në “Elbasan Arena” në sfidën ndaj Hungarisë në shtator. Në banderolën e dronit shkruhej “Taulant Balla, Elbasani ty të do”.
FIFA argumenton se këtë veprim e cilëson si cënim të sigurisë së ndeshjes që përfshin hedhjen e objekteve, ngritjen e dronëve apo përcjelljen e mesazheve jo të duhura për një ndeshje sportive. Për këtë FSHF ka marrë një gjobë prej 37.500 franga.
