Ditën e sotme do të vijohet me ndeshjet e raundit të 13 të Seria A me ndeshjet e Verona-Empoli dhe Torino-Udinese.
Tre shqiptarë janë pjesë e ekipit të Empolit dhe pritet që minimumi njëri prej tyre të zbresë sot në fushë. Mbrojtësi Ardian Ismajli dhe dy mesfushorët Nedim Bajrami dhe Kristjan Asllani janë pjesë e ekipit të Empolit.
Të tre lojtarët janë pjesë e rëndësishme në skuadrën italiane dhe pritet që të luajnë në këtë takim. Aktualisht Empoli renditet në vend të 11 të tabelës së Seria A me pikë të barabarta me Veronën që mban vendin e 10, pra nga 16 pikë secila. Ndërsa fitorja e sotme do ndihmonte secilën prej tyre të kalonte në vend të 9 në renditje. Ndërsa ndeshja midis këtyre dy skuadrave do të zhvillohet në orën 18:30.
Ndërsa në orën 20:45 Torino do të presë për raundin e 13 ekipin e Udineses. Portieri i Kombëtares shqiptare, Etrit Berisha ka treguar vazhdimisht formë të mirë me ‘Kuqezinjë’ megjithatë ende nuk dihet nëse Torino do i besojë ndonjë minutë në portë gardianit shqiptarë. Aktualisht Torino mban vendin e 14 me 14 pikë, po a sa ka dhe Udinese që renditet në vend të 15.
Skuadra e Ivan Balliut, Rayo Vallecano do të ndeshet sot me Mallorcan në orën 21:00 për javën e 14 të La Ligas. Balliu nuk u bashkua në kualifikueset e nëntorit me Kombëtaren për shkak të një dëmtimi, megjithatë në takimet që ka zhvilluar me ekipin spanjoll ka treguar një formë shumë të mirë.
Aktualisht Vallecano ndodhet në vend të 7 të tabelës së La Ligas me 20 pikë, teksa Mallorca renditet në vend të 13 me 15 pikë. Ndeshja e sotme pritet të jetë shumë interesante, me mbrojtësin shqiptar që pritet të jetë titullar në këtë sfidë./K.T/Gijotina.com
Discussion about this post