Dhoma Ekonomike e Gruas në bashkëpunim me Drejtorinë e Përgjithshme të Tatimeve zhvilloi një sesion informimi për procesin e fiskalizimit dhe sfidat e këtij procesi, ndërsa kanë kërkuar shtyrjen e afatit për gjobat.
Pasi në vendimin e Tatimeve, nga 1 janari i viti të ardhshëm do fillojnë të aplikohen gjoba ndaj bizneseve që nuk respektojnë procedurat e fiskalzimit. Por, pas një muaji ku në këtë sistem u fut edhe biznesi i vogël, është vënë re se vetë një përqindje e ulët e tyre kanë mundur të implementohen në këtë sistem të ri fiskalzimi.
Për këtë arsye, gjatë diskutimeve nënkryetarja e Dhomës, Valbona Begolli, u shpreh se shqetësimi aktual për të gjitha bizneset është, mosfunksionimi i fiskalizimit të operacioneve të kompanive me software-in. Si problematike u panë edhe procedurat e faturës fiskale në zona pa mbulim me internet, si dhe për faktin se software-t shfaqin ende probleme dhe janë të pakonsoliduara.
Prandaj, në këtë kuadër ata kërkuan shtyrjen e afatit për aplikimin e gjobave, parashikuar aktualisht për 1 janar 2022. Në veçanti ky shqetësim vjen për llogari të bizneseve të vogla, të cilat janë ende larg këtij procesi.
E.H/ gijotina.com/
