Futbolli europian vazhdon të jetë aktiv dhe mbetet për t’u luajtur një nga turnetë më të ndjekur nga klubet e mëdha. Kampionati Europian U-21 ka nisur sot dhe Real Madridi do t’i mbajë me vëmendje këta lojtarë.
Skautëve të Realit të Madridit nuk do t’u mungojë asgjë nga gjithçka që do të ndodhë në Rumani dhe Gjeorgji në ditët në vijim. Europiani U-21 është një nga garat e mëdha ku zbresin në fushë talentet e mëdha të çdo vendi.
Në Madrid tashmë kanë bërë punën para fillimit të turneut dhe kanë piketuar pesë lojtarë të cilët do t’i ndjekin nga afër. Këta futbollistë janë monitoruar prej disa muajsh nga skautët e klubit dhe janë profile që do të përshtateshin në kryeqytet.
Tonali, Thuram, Cherki, Moukoko dhe Gabri Veiga janë emrat në axhendën e Juni Calafat, siç ka mësuar DefensaCentral. Performanca e tyre në kompeticionet europiane mund të jetë vendimtare që mbretërorët të zgjedhin t’i nënshkruajnë këtë verë.
Sandro Tonali (23 vjeç) do të jetë referenca e shkëlqyer për Italinë e Nikolatos dhe do të komandojë skuadrën nga mesfusha. Pranë tij është një lojtar i njohur për të gjithë, Gabri Veiga (21 vjeç), futbollisti i Celta nuk e ka vendosur ende të ardhmen e tij dhe “Los Blancos” do të jenë të vëmendshëm ndaj paraqitjeve të tij.
Rayan Cherki (19 vjeç), ‘Benzema’ i ri, do të kërkojë të kontribuojë me golat për një Francë që starton si favorite dhe do ta bëjë këtë së bashku me Khephren Thuram (22 vjeç), një nga sensacionet e këtij sezoni në Evropë. Dhe së fundi, Youssoufa Moukoko me vetëm 18 vite do të jetë lideri i një Gjermanie që do të jetë plot talent.
Discussion about this post