Edinson Kavani po bën mjaft mirë tek skuadra e Manchester United ku ka shkëlqyer në ndeshjet deçizive. Ai ishte autori i golit të dytë ndaj Totenham në fundjavë teksa i’a ka dalë të jap më të mirën e tij nën urdhrat e trajnerit Solskjaer. Kreu i pankinës së skuadrës angleze ka komplimentuar uruguajanin për impenjimin që ai tregon në stërvitje.
“Kam qenë këtu për gati tre vjet dhe të martën në stërvitje pashë nga Edinson Cavani impenjimin më të mirë që një lojtar ka bërë ndonjëherë gjatë stërvitjes në Manchester United që kur isha trajner”, deklaroi tekniku norvegjez. Kavani nuk konsiderohet si titular tek United për shkak të mbërritjes së Ronaldos në “Old Trafford”.
