Derbi i Maddoninas gjithmonë sjell emocione të forta dhe e njëjta gjë ka ndodhur edhe mbrëmjen e kësaj të diele. Për Hakan Calhanoglun, ky ka qenë i pari me fanellën e Inter pas plot katër sezoneve te klubi i Milan.
Ai arriti të shënonte për ‘Zikaltërit’ me anë të një penalltie dhe më pas zgjodhi të festonte pranë Curva-Sud, ku ndodhej tifozeria ‘Kuqezi’ e Italisë.
Ai vendosi duar te veshët, duke nënkuptuar se donte të dëgjonte vërshëllimat e tifozëve të Milan, gjë e cila u duk si një provokim aspak i bukur.
Ky veprim nuk i pëlqeu aspak ish-shokëve të ekipit, si Florenzi, i cili u ngrit nga pankina dhe u fut në fushë për ta qortuar. Por më pas ishte dikush tjetër nga stoli i Milan që e tërhoqi lojtarin e ‘Djallit’ për të mos e degraduar situatën.
Në fund kjo ndeshje u mbyll me barazimin 1-1 dhe pas raundit të 12 Milan vijon të jetë së bashku me Napolin në krye të tabelës së Seria A me nga 32 pikë secili prej tyre, ndërsa Inter renditet në vend të tretë me 25 pikë./K.T/Gijotina.com
Discussion about this post