Policia spanjolle, ka bërë të ditura, për mediat, masat që do të marrë për mbarëvajtjen e takimit të UEFA Champions League mes Real Madrid CF dhe Liverpool FC.
Gjithsej 1.587 trupa do të marrin pjesë këtë të mërkurë në ruajtjen e sigurisë për ndeshjen e dytë të fazës së 1/8 të Champions League ndërmjet këtyre dy skuadrave, ndeshje e shpallur me rrezikshmëri të lartë, që do të luhet në orën 21:00 në “Estadio Santiago Bernabéu”.
Siç njoftuan institucionet qeveritare në Madrid, klubi “Blanco” pret një pjesëmarrje prej rreth 63.000 tifozësh, ndër të cilët priten të jenë rreth 1.800 tifozë të skuadrës mike.
Në operacionin e sigurisë do të marrin pjesë 250 agjentë të Policisë Kombëtare nga njësi të ndryshme, të cilët do të monitorojnë zonat përreth stadiumit.
Këtij dislokimi do t’i bashkohen 70 anëtarë të Policisë Bashkiake të Madridit, 20 komponentë të Mbrojtjes Civile Samur, tre departamente zjarrfikëse nga këshilli i qytetit, 64 anëtarë të Kryqit të Kuq dhe 1.180 roje private të sigurisë të punësuar nga klubi i Realit.
Për të përshpejtuar kontrollet në prag të ndeshjes, tifozëve u rekomandohet që të shkojnë në stadium paraprakisht (të paktën dy orë para fillimit të takimit).
Discussion about this post